“Ёр-ёр” фильмининг янги варианти суратга олинади
У шу йил охиригача тайёр бўлади.
Бу йил ўзбек киноси дурдоналаридан бири "Ёр-ёр" фильмининг суратга олинганига 60 йил тўлди. Шу муносабат билан сценарий муаллифи ва режиссёр Али Ҳамроев ушбу мавзуга яна қўл урди.
Айни пайтда ушбу фильм синопсиси Кинематография агентлиги Бадиий кенгашига тақдим этилди ҳамда Кенгаш аъзолари томонидан бир қатор таклиф ва мулоҳазалар билдирилди.
Фильм синопсисига кўра, воқеалар ривожи 1964 йилда суратга олинган "Ёр-ёр" билан деярли бир хил.Биргина фарқи янги "Ёр-ёр"да бугунги ҳаёт – Янги Ўзбекистон тасвирланади.
Фильм бош қаҳрамонларидан бири "Ота" образини Ўзбекистонда хизмат кўрсатган артист Фарҳод Абдуллаев гавдалантиради.
Ҳозирда бошқа қаҳрамонлар учун кастинг жараёнлари давом этмоқда.
Фильм шу йилнинг декабр ойларида тайёр бўлади. 2025 йил Наврўз байрамида катта экранларга чиқиши режалаштирилган.
