Фарғонада кадастр бошлиғи йиғилишда сўкиниб, ходимларини ҳақоратлади
Ҳолатга Кадастр агентлиги муносабат билдирди.
Ижтимоий тармоқда кадастр агентлиги Фарғона вилояти ҳудудий бошқармаси бошлиғи Zoom орқали ўтказган йиғилишида куракда турмайдиган сўзлар ишлатиб, ходимларини сўккани акс этган видео тарқалди.
Расмий хабарга кўра, ушбу ҳолат 3 май куни ўтказилган танқидий йиғилишда содир бўлган. Бошқарма бошлиғи йиғилиш давомида ходимлар томонидан йўл қўйилган камчиликларни таҳлил қилиш вақтида асабларини жиловлай олмаган.
Агентлик томонидан бошқарма бошлиғига ножўя сўзларни ишлатгани учун «ҳайфсан» интизомий жазо чораси қўлланилди ҳамда тушунтириш ишлари олиб борилди.
