Самарқанддаги боғчада қизчанинг қўллари тишланиб, кўкартириб ташланди
Ҳолатга Болалар омбудсмани муносабат билдирди.
Ижтимоий тармоқда Самарқанддаги боғчада 2 яшар қизчанинг қўллари кўкартириб ташлангани айтилган хабарлар тарқалди.
Маълум бўлишича, Самарқанд вилояти Каттақўрғон туманида жойлашган оилавий болалар боғчасида жорий йилнинг 20 май куни 22 ёшли гуруҳ тарбиячиси Қ. М. хонадан чиқиб кетган вақтида тарбияланувчи А. Ш. ни бошқа тарбияланувчи З. К. қўлларидан тишлаб, турли кўринишдаги тан жароҳатларини етказган.
Мазкур ҳолат юзасидан вояга етмаган А. Ш. нинг онаси М.С 2024 йил 20 май куни Каттақўрғон туман ИИБга ариза билан мурожаат қилган.
Ҳозирда терговга қадар текширув олиб борилиб, вояга етмаган A. Ш. га нисбатан етказилган жароҳатларнинг даражасини аниқлаш мақсадида судга оид тиббий экспертиза тайинланган.
