0
Самарқандда талаба йигитни машина уриб кетди
У ҳодиса оқибатида вафот этган.
Самарқанд вилояти ИИБ ЙҲХБ Матбуот хизматининг маълум қилишича, ҳодиса жорий йилнинг 21 май куни соат 23:30 ларда Самарқанд шаҳар Алишер Навоий кўчасидан ўтувчи йўлда содир бўлган. Нехиа-2 автомашинаси ҳайдовчиси Самарқанд давлат университетининг 4-босқич талабаси Д.Э.ni уриб юборган.
Талаба йигит шаҳардаги тиббиёт бирлашмасига олиб борилган. Аммо, у олган тан жароҳатлари оқибатида шифохонада вафот этган.
Ҳозирги вақтда вилоят ИИБ томонидан ҳолат юзасидан жиноят иши қўзғатилиб, тергов ҳаракатлари олиб борилмоқда.
