Ўзбекистон

"Баҳодир Ялангтўш": 3,5 минг томошабинни ўзига жалб эта олган фильм премьераси

Самарқанддаги "мўъжиза" амфитеатрида “Баҳодир Ялангтўш” тарихий-бадиий фильмининг тақдимоти ўтказилди.

"Баҳодир Ялангтўш": 3,5 минг томошабинни ўзига жалб эта олган фильм премьераси

 

Халқимизнинг буюк фарзандларидан бири, давлат ва жамоат арбоби, саркарда Баҳодир Ялангтўшбий (Олчин) ҳаёти ва фаолияти акс эттирилган мазкур фильм премьераси олдидан “Ипак йўли” туризм ва маданий мерос халқаро университетида матбуот анжумани ташкил этилди.

 

Унда Кинематография агентлиги, Самарқанд вилояти ҳокимлиги раҳбарлари, фильм ижодкорлари иштирок этди. "Тарихий фильмда бош қаҳрамон, яъни Баҳодир Ялангтўш образини ижро этишнинг масъулияти катта, албатта. Фильмда ўзига яраша қийинчилик туғдирадиган саҳналар кўп бўлди. Отда чопиш, қилич ўйнатиш, йиқилиш. Гарчи спортчи бўлсамда, бу ролни ижро этиш осон кечмади. Ижодий жамоанинг бир куч бўлиб, бирлашиб ҳаракат қилиши натижасида мақсадимизга эриша олдик, деб ўйлайман, — дейди Ҳабибулла Низомов.

 

Фильм премьерасида Ўзбекистон Кинематография агентлиги директори Фирдавс Абдухолиқов, Самарқанд вилояти ҳокими Эркинжон Турдимов, профессор Эркин Мусурмонов ва бошқалар сўзга чиқди:

 

"Президентимизнинг  ташаббуслари билан яратилган мазкур фильм ер юзининг сайқали, Шарқ гавҳари бўлган Самарқандимиз, унинг ҳукмдори бўлган улуғ саркардамиз ҳақида экани  бизга фахр ва ғурур бағишлайди. Яна бир эътиборли жиҳати, ушбу лойиҳани амалга оширишда Самарқанд вилояти ҳокимлиги Ўзбекистон кинематография агентлиги билан бевосита ҳамкорликда ишлади. Фильм режиссёри Жаҳонгир Аҳмедов самарқандлик ижодкорлар, тарихчи олимлар билан бамаслаҳат фаолият олиб борди. Бир неча бор муҳокамалар бўлди ва ана шу ҳамкорликдаги ишимиз туфайли мазкур тарихий бадиий фильм яратилди", — деди вилоят ҳокими.

 

Ҳасан Тошхўжаев сценарийси асосида режиссёр Жаҳонгир Аҳмедов томонидан яратилган кинокартинада буюк сардор, Регистон мажмуаси бунёдкори, Самарқандга ҳокимлик қилган саркарда Баҳодир Ялангтўшнинг ҳаёт йўли ва фаолияти ҳикоя қилинади.  30 май куни Тошкент шаҳрида ҳам “Баҳодир Ялангтўш” фильмининг премьераси ўтказилиши режалаштирилган.

Икки давлатда ишлаганлар учун пенсия стажи қўшилади: Ўзбекистон ва Қирғизистон келишди

Икки давлатда ишлаганлар учун пенсия стажи қўшилади: Ўзбекистон ва Қирғизистон келишди

Келишувга кўра, бир мамлакатда тўпланган иш стажи пенсия олиш учун етарли бўлмаса, бошқа давлатда ишлаган даври ҳам ҳисобга олинади.

Тошкентнинг айрим ҳудудларида газ таъминоти тўхтатилади: қайси манзилларда ва қачонгача?

Тошкентнинг айрим ҳудудларида газ таъминоти тўхтатилади: қайси манзилларда ва қачонгача?

Туманларда газ қувурларини хавфсиз ҳудудга кўчириш ишлари якунлангач, босқичма-босқич қайта тикланади.

Зарарли APK-файллар ортидан 79 млрд сўм йўқотилди: Марказий банк огоҳлантирди

Зарарли APK-файллар ортидан 79 млрд сўм йўқотилди: Марказий банк огоҳлантирди

Ўзбекистонда киберфирибгарлик оқибатида фуқароларга 278,3 миллиард сўм зарар етказилган.

Наманганда ноқонуний дори омбори фош этилди: 23 мингдан ортиқ дори топилди

Наманганда ноқонуний дори омбори фош этилди: 23 мингдан ортиқ дори топилди

Уларнинг дастлабки қиймати 3,3 миллиард сўмдан ошади.

Мактабларда спорт ривожлантирилади: олимпия спорт турлари бўйича тўгараклар очилади

Мактабларда спорт ривожлантирилади: олимпия спорт турлари бўйича тўгараклар очилади

2027 йилдан спорт мусобақалари ғолибларига диплом ва сертификатлар электрон шаклда берилади.

Ўзбекистон ва Ўмон етакчилари олий давлат мукофотлари билан тақдирланди

Ўзбекистон ва Ўмон етакчилари олий давлат мукофотлари билан тақдирланди

Шавкат Мирзиёев Султонликнинг олий давлат мукофоти – “Ол Саид” ордени билан тақдирланди.

Президент Шавкат Мирзиёев ва Султон Ҳайсам бин Ториқ Ол Саид учрашув ўтказди

Президент Шавкат Мирзиёев ва Султон Ҳайсам бин Ториқ Ол Саид учрашув ўтказди

Ўзбекистон ва Ўмон ўртасидаги муносабатлар кейинги йилларда фаол ривожланаётгани қайд этилди.

Чилонзорда Nexia-3 дарахтга урилди: уч киши ҳалок бўлди

Чилонзорда Nexia-3 дарахтга урилди: уч киши ҳалок бўлди

ЙТҲга автомобиль руль бошқарувида юзага келган техник носозлик сабаб бўлган.