Тошкентлик эркак қўшни аёлни аёвсиз калтаклади
Ҳолат юзасидан расмий муносабат билдирилди.
Ижтимоий тармоқларда Тошкент шаҳрида эркак киши аёл кишига қўл кўтаргани акс этган видео тарқалди. Ҳолат юзасидан шаҳар ИИББ маълумот берди.
Ҳолат жорий йилнинг 1 июнь куни соат 17:00 ларда Яшнобод тумани Оҳанграбо кўчасида жойлашган кўп қаватли уйларнинг бирида содир бўлган.
1998 йилда туғилган, руҳий-асаб касалликлари диспансерида рўйхатда турувчи А.А. қўшниси - 1986 йилда туғилган Н.Х. ва унинг вояга етмаган фарзандлари билан ўзаро тортишиб қолган. Сўнг А.А. фуқаро Н.Х. ни сочидан судраб куч ишлатган.
Мазкур ҳолат юзасидан Яшнобод тумани ИИО ФМБ томонидан терговга қадар текширув ўтказилмоқда.
Фуқаро А.А. руҳий-асаб касалликлари шифохонасига жойлаштирилган.
