Ҳиндистоннинг Ўзбекистондаги янги элчиси тайинланди
Бахтиёр Саидов унинг келгуси фаолиятига муваффақият тилади.
Ўзбекистон ташқи ишлар вазири Бахтиёр Саидов элчи Смита Пантдан ишонч ёрлиқлари нусхаларини қабул қилиб олди.
“Ҳиндистоннинг Ўзбекистондаги Элчиси этиб тайинланган Смита Пант хоним билан учрашиш ва унинг ишонч ёрлиқлари нусхаларини қабул қилишдан мамнунмиз. Савдо ва инвестициявий ҳамкорликни ривожлантириш асосий мақсадимиз бўлиб қолади. Элчи хонимга икки томонлама муносабатларимизнинг фойдаланилмаган салоҳиятини кашф этишда муваффақиятлар тилаймиз”, деб ёзди вазир ўзининг телеграм каналида.
Учрашувда, шунингдек, қишлоқ хўжалиги, туризм, транспорт, логистика ва бошқа йўналишларда алоқаларни кенгайтириш бўйича биргаликдаги саъй-ҳаракатлар муҳокама қилинган.
