Россиялик космонавт коинотда 1000 кун яшади
У шу тариқа коинотда узоқ вақт қолган илк одам бўлди.
Февраль ойида Кононенко орбитада умумий қолиш рекордини янгилаганди. Ўшанда у коинотда жами 878 кун бўлган ва бошқа россиялик космонавт Геннадий Падалканинг натижасини ортда қолдирган.
Маълумот учун, Олег Кононенко 1964 йил 21 июнда Туркманистоннинг Чарджоу шаҳрида туғилган. У 1996–1998 йилларда Гагарин номидаги Космонавтларни тайёрлаш марказида умумий космик тайёргарликдан ўтган.
Кононенко ўзининг биринчи космик парвозини 2008 йилда, иккинчисини 2011-2012 йилларда, учинчи ва тўртинчисини 2015 ва 2018-2019 йилларда амалга оширган.
У 2016 йилдан бери Россия космонавтлар отрядини бошқариб келади.
