1-синфга қабул 20 июндан бошланади
Бу ҳақда вазирлик маълум қилди.
Регламентга мувофиқ, 1-синфга қабул жараёнлари 2 босқичда амалга оширилади.
1-босқич: 20 июндан 31 июлгача микро-ҳудуд доирасида;
2-босқич: 1 августдан 15 августгача микро-ҳудуддан ташқарида.
1-синфга қабул жараёнлари туман ва шаҳарларда электрон шаклда давлат хизматлари орқали амалга оширилади. Бунда ота-оналар 20 июндан бошлаб my.maktab.uz электрон платформаси орқали рўйхатдан ўтиб, ариза топширишлари мумкин.
Давлат хизматлари кўрсатилмайдиган ҳудудларда 1-синфга қабул қилинган ўқувчилар вазирлик электрон тизими (adm.maktab.uz)га киритилади.
Эслатиб ўтамиз, “Таълим тўғрисида”ги Қонунга мувофиқ, болалар 7 ёшга тўладиган йилда мактабга қабул қилинади. Яъни бу йил 1-синфга 2017 йилнинг 31 декабрига қадар туғилган болалар қабул қилинади.
