Андижонда сохта банкир қўлга тушди
У ўзгалар номига 336 млн онлайн кредит расмийлаштирган.
Қайд этилишича, Андижон вилоятида яшовчи 26 ёшли аёл ариза билан мурожаат қилиб, номаълум сабабларга кўра унинг номига кредит расмийлаштирилганлигини ва айбдор шахсга қонуний чора кўришликни сўраган.
Тезкор-қидирув хизмати Киберхавфсизлик бўлинмалари ходимлари томонидан ўтказилган тезкор-қидирув тадбирлари натижасида ушбу жиноятни Андижон вилоятида яшовчи Т.А. содир этганлиги аниқланган.
Маълум бўлишича, Т.А. фуқароларга банкдан онлайн кредит олишда ёрдам беришини айтиб, уларни алдаб, жами 336 млн сўм атрофида кредит расмийлаштириб, пулларни ноқонуний ўзлаштирганлиги маълум бўлган.
Мазкур ҳолат юзасидан Т.А.га нисбатан Ўзбекистон Республикаси ЖКнинг 168-моддаси 3-қисми билан жиноят иши қўзғатилган.
Қонунга мувофиқ, Ўзбекистон Республикаси Жиноят кодексининг 168-моддаси 3-қисмидаги жиноий хатти-ҳаракатлар учун 5 йилдан 8 йилгача озодликдан маҳрум қилиш жазоси назарда тутилган.
