Макрон парламентни тарқатиб юборди
Мамлакатда муддатидан олдин сайловлар ўтказилади.
Франция Президенти Эммануэль Макрон мамлакат Миллий ассамблеясини тарқатиб юборди. Бу ҳақда маҳаллий нашрлар хабар бермоқда.
“Мен муддатидан олдин парламент сайловларини эълон қиламан”, деди Макрон.
Унинг сўзларига кўра, у бу билан французларга парламент келажагини сайловлар орқали ҳал қилиш ҳуқуқини бериш ниятида.
“Бу қарор жиддий ва қийин, лекин биринчи навбатда бу ишонч ҳаракати”, дея қўшимча қилди мамлакат президенти.
Сайловларнинг биринчи тури 30 июнга, иккинчи тури эса 7 июлга белгиланган.
