Туркиялик эркак пластик операция билан 30 ёшга ёшарди
Уни ҳатто яқинлари ҳам таний олмаяпти.
Туркиялик пластик жарроҳлар беморнинг қиёфасини шу даражада ўзгартириб ташладики, энди уни ҳатто яқинлари, шу жумладан, онаси ҳам таний олмаяпти.
Операциядан олдинги ва кейинги суратлар Х ижтимоий тармоғида тарқалиб, миллионлаб ўқувчилар эътиборини тортди. Интернет фойдаланувчиларининг айтишича, бемор камида 30 ёшга ёшарган.
“Биз бемор Майклда юз ва бўйинни кўтариш, пастки ва юқори кўз қовоқларига блефаропластика, ёноқлардаги ёғларни олиб ташлаш, ринопластика ва соч кўчириб ўтказиш операциясини ўтказдик”, — дейди шифокорлар.
“Ҳеч ким бир вақтнинг ўзида 8 та операцияни бошдан o‘tkazishga журъат этолмайди. Бу одам энди 30 ёшга ёшроқ кўринади”, — дейилади интернетдаги изоҳларда.
