Навоийда Америкага ишга юборувчи фирибгар ушланди
Ҳозирда унга нисбатан жиноий иш очилган.
Маълум бўлишича, фуқаро Р.К. фуқаро Л.К.нинг ишончига кириб, уни 19 000 АҚШ доллари эвазига Туркия ва Мексика давлатлари орқали Америка Қўшма Штатларига олиб ўтмоқчи бўлган. Шунингдек, ушбу давлатда ишга жойлаштиришини айтиб, олдиндан 6 200 АҚШ долларини олган вақтида ашёвий далиллар билан ушланган.
Самарқандда эса фуқаро У.Э. 4 нафар фуқаронинг ишончига кириб, уларни Туркия давлати орқали Швеция давлатига ишлаш учун юборишини ваъда қилиб, жами 14 300 АҚШ долларини фирибгарлик йўли билан қўлга киритганлиги аниқланган.
Мазкур ҳолатлар юзасидан Жиноят кодексининг 25, 168-моддаси (фирибгарлик) билан жиноят ишлари қўзғатилиб, тергов ҳаракатлари ўтказилмоқда.
