Бухорода илон сотаётган шахс қўлга тушди
Ҳозирда масъуллар томонидан унга чора кўрилган.
Бухорода Қизил китобга киритилган илонни сотмоқчи бўлган шахс жаримага тортилди.
Маълум қилинишича, ижтимиой тармоқларда Бухоро вилоятида қум бўғма илони сотилиши билан боғлиқ эълон тарқалган. Маъсуллар ушбу хабар қай даражада тўғри эканлигини текшириш мақсадида бошқача йўл тутишди.
Инспекторлар мурожаатда кўрсатилган телефон рақамга мижоз сифатида қўнғироқ қилиб, илон сотиладиган жойга боришган. У ерга етиб боришганда, ҳақиқатдан ҳам Қизил китобга киритилган қум бўғма илон эканлигини аниқланган.
Фуқаро илонни катта маблағга сотмоқчи бўлган. Ҳолат юзасидан унга нисбатан Маъмурий Жавобгарлик тўғрисидаги Кодексининг тегишли моддалари билан 1 миллион 700 минг сўм жарима қўлланилди.
