Энди ҳокимлар маҳаллий Кенгашларга раислик қилмайди
Бу бўйича қонун лойиҳаси ишлаб чиқилди.
Олий Мажлис Қонунчилик палатасининг бир гуруҳ депутатлари маҳаллий Кенгашлар фаолиятига оид бўлган қонун лойиҳасини ишлаб чиқди.
Унга кўра, эндиликда маҳаллий Кенгашларга раис айнан депутатлар орасидан сайланади. У ўз вазифаларини бажариш даврида доимий ва бошқа комиссиялар, партия гуруҳлари таркибига кириши мумкин эмаслиги белгиланяпти.
Туман-шаҳарларга ҳоким номзоди кўриб чиқилаётганда бўлғуси ҳоким маҳаллий Кенгаш депутатларига ушбу ҳудудни ривожлантириш дастурини тақдим этиш шартлиги аниқ-тиниқ ёзиб қўйиляпти.
Шунингдек “Кенгаш сўрови”, “Кенгаш текшируви” каби янги институтлар киритиляпти.
