Япониялик эркак ғайриоддий ўсимлик етиштирди
У шу тариқа Гиннеснинг рекордлар китобига кирди.
Япониялик фуқаро ўз боғида ўстирган 63 баргли ўсимлик туфайли Гиннеснинг рекордлар китобига кирди. Рекордни қўлга киритиш учун унга 12 йил керак бўлди.
Ёшихару Ватанабе 2012 йилда беда етиштиришга қизиқиб қолган. У дастлаб ўсимлик гулбарглари сони бўйича жаҳон рекордини ўрнатишни мақсад қилиб, шу бизнес билан шуғулланган.
“Одамлар тўрт баргли беда омад келтиради дейишади. Мен 63 баргли беда одамларга ҳайрат ва қувонч келтиришини хоҳлайман”, дейди эркак.
У ўзи истаган натижага эришиш учун бедани табиий чанглатиш комбинациясидан фойдаланган.
