Аномал иссиқ сабаб поездлар ҳаракатига чекловлар ўрнатилмоқда
Бундан ташқари, ҳаракат тезлигига чекловлар ўрнатилган поездларда совитиш тизимининг ишлаш қуввати пасайиши мумкин.
"Ўзтемирйўлйўловчи" йўловчилар ва поездлар ҳаракат хавфсизлигини таъминлаш мақсадида поездлар ҳаракат тезлигига чекловлар ўрнатилишини маълум қилди.
Таъкидланишича, ҳаво ҳарорати кўтарилиши натижасида ерусти темирйўлларининг рельслари ҳамда уларнинг пўлат қисмларида ҳарорат жуда юқори бўлади. Шу боис поездлар ҳаракат тезлигига чекловлар ўрнатилади. Бунинг натижасида поездлар ҳаракат жадвалидан кечикиб ҳаракатланиши мумкин.
Компания об-ҳаво шароити туфайли юзага келиши мумкин бўлган ноқулайликлар учун узр сўраган.
