Жиззахда мақом бўйича илмий-амалий конференция ўтказилди
“Мазкур анжуман халқаро ҳамкорлик имкониятларини кенгайтириш, янги ғоя ва лойиҳаларнинг бошланишига туртки беради”, деди унда иштирок этган маданият вазири Озодбек Назарбеков.
Кеча, 28–июнь куни Жиззах вилоятининг Зомин туманида ЮНEСКО ва АЙСEСКО шафелиги остида ўтказилаётган ИИ Халқаро мақом санъати анжумани доирасида “Мақом санъатининг назарий ва амалий асослари: муаммо ва ечимлар” мавзусидаги Халқаро илмий-амалий конференцияси бўлиб ўтди.
Унда Ўзбекистон маданият вазири Озодбек Назардеков, Туркий Парламент Ассамблеяси раиси Меҳмет Сурейя Эр Жаноблари ҳамда 30 дан ортиқ давлатдан 70 нафардан зиёд олимлар иштирок этди.
“Ишончимиз комилки, халқаро фестиваль доирасида ўтказилаётган мазкур илмий-амалий анжуман доирасида миллий мусиқа санъатига оид алоҳида мавзулар бўйича ташкил қилинаётган баҳс-мунозара майдонлари, илмий-амалий ва ўзаро тажриба алмашиш, истиқбол ва манфаатли режалар ишлаб чиқиш, халқаро ҳамкорлик имкониятларини кенгайтириш, янги ғоя ва лойиҳаларнинг бошланишига туртки беради, деб ўйлайман.
Мамлакатимизнинг гўзал манзилларидан бири – Жиззах вилоятининг Зомин туманида бўлиб ўтаётган ушбу ўзига хос санъат байрами доирасида ўтказилаётган “Мақом санъатинıнг назарıЙ ва амалий асослари: муаммо ва ечимлар” мавзусидаги халқаро илмий-амалıЙ конференция иштирокчиларини яна бир бор чин қалбимдан табриклайман. Сизларга ва конференция ишига муваффақият тилайман”, - деди вазир Озодбек Назарбеков.
Бугун, 29 июнь куни Халқаро илмий-амалий конференция ўз ишини давом эттириб, олимлар мақом санъатига доир ўз маърузалари билан иштирок этишди.
Халқаро илмий-амалий конференция якунида барча иштирокчиларга Ўзбекистон маданият вазири Озодбек Назардеков томонидан сертификатлар тақдим этилди.
