Жиззахда ҳайдовчи йўловчини эҳтиётсизлик сабаб ўлдириб қўйди
Улар дала майдонида бирга спиртли ичимлик ичган.
Ҳолат Зомин тумани Пешағор маҳалласида содир бўлган. Таксистлик билан шуғулланган ҳайдовчи ўзига тегишли бўлган Нехиа автомобилида қарз ундириш ташвишида юрган танишини манзилига олиб борган. Бу орада машинага яна бир ҳамқишлоғи ўтирган.
Улар спиртли ичимлик ичиб, зиёфат учун дала майдонини танлаган. Ҳайдовчи кимдир билан телефонда гаплашиб, жаҳл устида машинани орқага ҳайдаган. Айнан ўша пайтда машинанинг орқасида ётган йўловчилардан бирининг боши жароҳатланган. Ҳайдовчи бу хатти-ҳаракатидан қўрқиб кетиб, йўловчини ташлаб кетишга қарор қилган.
Суд мажлисида ҳайдовчи эътиборсизлиги сабаб бир инсон ҳаётига зомин бўлганлигини, унга тиббий ёрдам ёрдам кўрсатиш чораларини кўрмаганлигини тан олиб, кечирим сўраган.
Судланувчи 3 йил барча турдаги транспорт воситаларини бошқариш ҳуқуқидан маҳрум қилиниб, 3 йилу 1 ой муддатга озодликдан маҳрум қилинди.
