Тошкентда эркак набирасини кўчада калтаклади
Ҳолат юзасидан расмий муносабат билдирилди.
Ижтимоий тармоқларда Тошкент вилоятининг Мирзо Улуғбек туманида ёши катта эркак болани юз қисмига ураётгани ҳолати акс этган видео тарқалди. Бунга Болалар омбудсмани расмий муносабат билдирди.
Ааниқланишича, жорий йилнинг 30 июнь куни нафақадаги эркак 4 ёшли набираси билан сайр қилиш учун кўчага чиққан. Шу пайт набираси югуриб узоққа кетиб қолган, бобоси эса набирасидан хавотир олиб, болани қидирган.
Сўнг уйидан олисроқ бўлган мактаб олдида топиб, жаҳл устида набирасини бир неча бор қаттиқ урган.
Ҳозирда терговга қадар текширув доирасида болага етказилган жароҳатнинг даражасини аниқлаш юзасидан суд-тиббий экспертиза тайинланган.
