Ижодий имтиҳонлар қачон бошланиши айтилди
Олий таълим вазирлиги бу бўйича маълумот берди.
2024/2025-ўқув йили қабулида касбий (ижодий) имтиҳони мавжуд бакалавриат таълим йўналишларига рўйхатдан ўтган абитуриентлар учун имтиҳонлар республика бўйича 5–19 июль кунлари 53 та олий таълим муассасасида ўтказилиши белгиланди.
Касбий (ижодий) имтиҳоннинг аниқ санаси, вақти ва манзили ҳар бир абитуриентнинг my.uzbmb.uz сайтидаги шахсий кабинетига юборилди.
Юқоридагиларни инобатга олиб, абитуриентлардан ўзларининг шахсий кабинетлари орқали касбий (ижодий) имтиҳонларда иштирок этиш рухсатномасини юклаб олишлари ҳамда белгиланган муддат ва манзилга имтиҳон бошланишидан бир соат олдин етиб боришлари сўралган.
