Австралия Хитойни киберҳужумларда айблади Мудофаа бошқармаси бу ҳақида ҳисобот тайёрлади.

Австралия радиотехника мудофаа бошқармаси APT40 хакерлар гуруҳининг мамлакат хусусий ва давлат тармоқларини бузишга қаратилган такрорий уринишлари ҳақида ҳисобот тайёрлади.

 

Ҳисоботга кўра, ушбу гуруҳ Хитой давлат хавфсизлик хизмати кўмаги билан зарарли киберҳужумларни амалга оширмоқда. Таъкидланишича, APT40 муқим бир ҳудудни эгалламаган, аксинча жойларини тез ўзгартиради ва мослашади. Гуруҳ жамоат мулки бўлган заиф инфратузилмадан фойдаланишни афзал кўради.

 

Гуруҳ Австралия компаниялари ва давлат идоралари серверларига ҳужум қилиш учун мунтазам равишда бузилган ёки офис қурилмаларидан фойдаланади. Вақти-вақти билан улар ўз операцияларида сотиб олинган ёки ижарага олинган инфратузилмаларни ҳам қўллайди.