Россияда қаровсиз қолган 7 бола Ўзбекистонга қайтарилди
Улар ота-онаси томонидан қаровсиз қолдирилган.
Россияда оғир вазиятга тушиб қолган 10 дан ортиқ хотин-қизларнинг Ўзбекистонга қайтариш чоралари кўрилмоқда. Манбага кўра, оила ва хотин-қизлар қўмитаси раиси Озода Парпибоева бошчилигидаги турли масъул ташкилотлар вакилларидан иборат делегация Россия Федерациясининг Санкт-Петербург шаҳрида хизмат сафарида бўлиб қайтган.
“Ташриф жараёнида қатор фирма ва ташкилотларда меҳнат қилаётган 300 дан ортиқ хотин-қизларнинг меҳнат шароитлари ўрганилди ва улар билан яқиндан суҳбатлашилди. Оғир вазиятга тушиб қолган 10 дан ортиқ хотин-қизларнинг мамлакатимизга қайтишига кўмаклашиш бўйича чора-тадбирлар белгиланди”, - дейилади хабарда.
Россия Федерациясининг “Вояга етмаганларга ижтимоий-ҳуқуқий ёрдам кўрсатиш марказлари”да сақланаётган, ота-онаси томонидан қаровсиз ёки назоратсиз қолдириб кетилган 7 нафар вояга етмаган бола Ўзбекистонга қайтарилган. Улар тегишли марказга жойлаштирилган. Болалар кейинроқ ота-онаси ёки уларнинг ўрнини босувчи шахсларга топширилади.
