Тошкентда эркак аёлини рашк сабаб ўлдириб қўйди
Ҳозирда гумонланувчи процессуал тартибда ушланган.
Маълум қилинишича, эркак ва аёл нон ишлаб чиқариш корхонасида бирга ишлаб келган. Аёлни яқиндан таниган гувоҳнинг сўзларига кўра, эркак аёлнинг иккинчи турмуши бўлиб, у билан шаръий никоҳда яшаб келган. Уларнинг 1 нафар фарзанди бўлган.
Эри аёлини ҳар доим рашк қилган ва шу сабаб кўп жанжаллашган. Воқеа содир бўлган куни эри унга 19 марта пичоқ урган.
Мазкур ҳолат юзасидан 11 июль куни Янгиҳаёт тумани прокуратураси томонидан эркакка нисбатан ЖКнинг 97- моддаси билан жиноят иши қўзғатилган. Гумонланувчи процессуал тартибда ушланиб, ҳозирда тергов ҳаракатлари олиб борилмоқда.
