Қорақалпоғистондаги аварияда 8 киши ҳалок бўлди
Ҳолат юзасидан расмий маълумот берилди.
Қайд этилишича, 22 июль куни Қўнғирот тумани ҳудудидан ўтувчи “Ғузор-Бухоро-Нукус-Бейнеў” автомобиль йўлида Lacetti ва Cobalt автомобили ўзаро тўқнашиб кетган.
Оқибатда Lacetti русумли автомобиль ҳайдовчиси ва унинг йўловчиси, 1986 йил Қўнғирот туманида яшаган А.Б. ҳамда Cobalt русумли автотранспорт ҳайдовчиси У.Д. ҳодиса жойида вафот этган.
Шунингдек, Lacetti йўловчиси ҳамда Cobalt йўловчилари — 1993 йил Мўйноқ туманида яшаган Т.А., 1997 йил Қўнғирот туманида яшаган К.Т., 1971 йил Мўйноқ туманида яшаган К.К., 1994 йил Қўнғирот туманида яшаган С.Р.лар Қўнғирот тумани тиббиёт бирлашмасига тан жароҳати билан ётқизилиб, кўрсатилган тиббий муолажаларга қарамасдан олган тан жароҳати оқибатида вафот этган.
Мазкур ҳолат юзасидан Қорақалпоғистон Республикаси ИИВ ҳузуридаги Тергов бошқармаси томонидан Жиноят Кодексининг 266-моддаси 3-қисми “a” банди билан жиноят иши қўзғатилиб тергов ҳаракатлари олиб борилмоқда.
