Яҳё Синвар ҲАМАСнинг янги раҳбари этиб сайланди
61 ёшли Синвар ҳаракатнинг ҳарбий қанотини бошқарган.
ҲАМАС ҳаракати Теҳронда ўлдирилган Исмоил Ҳания ўрнига сиёсий бюрога янги етакчи сайланганини эълон қилди. Ушбу лавозимга Яҳё Синвар сайланди.
Исроил томонидан уч маротаба ҳибсга олинган 61 ёшли Синвар ҳаракатнинг ҳарбий қанотини бошқарган ва Ғазо секторидаги жанговар ҳаракатларга масъул бўлган.
Эслатиб ўтамиз, аввалроқ ҲАМАС сиёсий бюроси раҳбари Исмоил Ҳания Теҳрондаги қароргоҳида Исроил ҳужуми натижасида ҳалок бўлганди.
У янги президент Масуд Пезешкияннинг қасамёд қабул қилиш маросимида иштирок этиш учун Эрон пойтахтига борган.
