Мирзиёев Қозоғистондаги саммитда глобал иқлим ўзгариши оқибатлари ҳақида гапирди
Президент Марказий Осиё давлатлари раҳбарлари Маслаҳат учрашувида нутқ сўзлади.
Унда Давлат раҳбари глобал иқлим ўзгариши оқибатлари мамлакатларнинг ҳар бирида сезилаётганига алоҳида урғу берди. Шунингдек, ҳарорат кўтарилиши, музликлар эриши, тошқинлар, қурғоқчиликлар, чанг бўронлари ва бошқа кўплаб табиат ҳодисалари жиддий талафотлар етказишда давом этаётганини таъкидлади.
“Жорий йилнинг ноябрь ойида Озарбайжонда бўлиб ўтадиган Иқлим саммити давомида мамлакатларимиз ягона позиция билан чиқишлари мумкин.
Бу ўринда сўз халқаро жамоатчилик, фондлар ва донорлик ташкилотлари эътиборини ушбу ўткир муаммолар, жумладан, Орол фожиасига ечим топишга қаратиш мақсадида минтақадаги экологик вазият ҳақида қўшма тақдимот ўтказиш ҳақида кетмоқда.
Бизнинг янги таклифларимиз қаторида Марказий Осиёни барқарор ривожлантириш комплекс дастури, Трансчегаравий дарёларнинг сув ресурсларидан оқилона фойдаланишнинг минтақавий стратегиясини ишлаб чиқиш ва қабул қилиш масалалари ҳам бор”, — Мирзиёев ўз нутқида.
