Фарғонадаги тўйда кортеж уюштирганлар қамалди
Уларга 5 суткадан қамоқ жазоси тайинланган.
Фарғона вилоятида дўстининг тўйи куни кортежлар уюштирган ҳуқуқбузар ҳайдовчилар жавобгарликка тортилди.
Билдирилишича, Фарғона вилоятининг Ўзбекистон туманида дўстининг тўйига борган йигитлар бошқа транспорт воситаларининг қатновига халал бериб, тўй кортежи уюштирган.
Ҳолат юзасидан ўрганиш ишлари олиб борилиб, ҳайдовчилар шахсига аниқлик киритилган ва улар бошқарувидаги машиналар жарима майдончасига жойлаштирилган.
“Танишимнинг тўйида ўзимни BYD машинамда қарама-қарши ҳаракатландим. Қилган ишимдан пушаймонман”, дейди ҳайдовчилардан бири.
Қоидабузарлар майда безорилик содир этганликда айбли деб топилиб, уларнинг ҳар бирига 5 суткадан қамоқ жазоси тайинланган.
