Фарғона шаҳрида ҳайдовчилар жанжаллашди
Ҳолат юзасидан расмий муносабат билдирилди.
Ижтимоий тармоқларда Фарғона шаҳар марказида икки нафар фуқаронинг жанжаллашгани акс этган видео тарқалиб, кенг муҳокамаларга сабаб бўлди. Ҳолат юзасидан вилоят ИИБ Ахборот хизмати расмий муносабат билдирди.
Маълум қилинишича, жорий йилнинг 11 август куни Фарғона шаҳар Саноат кўчасида икки нафар ҳайдовчи ўртасида ўзаро келишмовчилик сабабли жанжал келиб чиққан.
Жанжал шу ерда хизмат олиб бораётган ИИО ходимлари томонидан бартараф қилинган.
Юқоридаги шахсларга нисбатан МЖтКнинг 183-моддаси тартибида ҳужжатлар расмийлаштирилиб, ЖИБ Фарғона шаҳар судига юборилган. Натижада уларнинг ҳар бирига 15 суткадан маъмурий қамоқ жазоси тайинланган.
