Электр энергиясидан асоссиз тарзда қарздорлик вужудга келмоқда
Истеъмолчиларнинг эътирозлари юзасидан муносабат билдирилди.
Ижтимоий тармоқларда электр энергиясидан асоссиз тарзда қарздорлик вужудга келаётганлиги тўғрисида хабарлар тарқалмоқда. Шу билан бир қаторда, айрим истеъмолчиларда бундай ҳолатлар кузатилиб, туман электр тармоқларига бориб аниқлик киритишганда ўтган йиллар мобайнида қолиб кетган қарздорлик сифатида тушунтирилгани тўғрисида видеохабарлар тарқалди.
Ҳолат юзасидан “Ҳудудий электр тармоқлари” АЖ расмий муносабат билдирди.
Маълум қилинишича, “Ҳудудий электр тармоқлари” АЖ томонидан жорий йилнинг август ойидан янгиланган “ҲEТ биллинг” дастурий комплекси ташкил этилди.
Айни шу жараёнда эски тизимдан истеъмолчиларнинг архив маълумотларини янги тизимга кўчиришда айрим истеъмолчилар шахсий ҳисобида ноаниқликлар келиб чиқмоқда. Бундай ноаниқликлар аниқланган ҳудудларда айни пайтда қўшимча мутахассислар ажратилган ҳолда масалага ойдинлик киритиш ишлари олиб борилмоқда.
