Ўзбекистонда Сув кодекси қабул қилинади
Ҳозирда қонун лойиҳаси такомиллаштирилади.
Қонунчилик палатаси қўмитаси томонидан “Ўзбекистон Республикасининг Сув кодексини тасдиқлаш тўғрисида”ги қонун лойиҳаси муҳокамасига бағишланган ишчи гуруҳи йиғилиши ўтказилди.
Қонун лойиҳасининг қабул қилиниши мамлакатнинг сув хавфсизлигига эришиш, глобал сув тақчиллиги кучайиб бораётган даврда барча иқтисодиёт тармоқларининг ва атроф-муҳитнинг сувга бўлган эҳтиёжини қондириш, сув ресурсларидан оқилона фойдаланиш, сув инфратузилмасининг ва суғориладиган ерларнинг ҳолатини яхшилашга хизмат қилади.
Шу тариқа сувдан фойдаланишга доир муносабатлар яхлит ҳуқуқий ҳужжатда бирлаштирилмоқда.
Ҳозирда масъул қўмитада қонун лойиҳасини такомиллаштириш ишлари давом этмоқда.
