Ўзбекистонда “Э-логистика” платформаси ишга туширилади
Унда тўғридан тўғри шартнома тузиш имкони яратилади.
Президентнинг тадбиркорлар билан мулоқотида ҳозирги геосиёсий жараёнда Европага анъанавий транспорт маршрутлари бўйича юк ташиш чеклангани айтиб ўтилди.
Транзит давлатлар ўз ташувчисини қўллаб-қувватлаш мақсадида Ўзбекистонга бераётган рухсатномалар сонини 3 баробаргача камайтирди. Шу ўринда, транспорт корхоналарида 28 та давлат бўйича 20 мингдан ортиқ рухсатномалар ишлатилмасдан турибди.
Транспорт вазирлигига юк ташиш рухсатномаларидан фойдаланиш тизими ошкоралигини ошириш топширилди.
Бунда «Э-логистика» платформаси ишга туширилиб, экспортчилар учун қайси корхонада қанча рухсатнома борлигини кўриш, тўғридан тўғри шартнома тузиш имкони яратилади.
