Жиззахда порнографик материал тарқатган эркак қамалди
Шунингдек, унга салкам 20 млн жарима тайинланган.
Аниқланишича, 1989 йилда туғилган Э.Б. ўзига тегишли телефон рақамига Telegram тармоғида очилган профилдан шу йилнинг 11-12 август кунлари 2 нафар шахсга ва 13 август куни Telegram'даги гуруҳга порнографик мазмундаги материал юбориб, тарқатган.
Судланувчи Э.Б. ҳуқуқбузарлик ҳаракатини давом эттириб, жорий йил 14 август куни Фориш тумани ИИБ биноси олдида жамиятда юриш-туриш қоидаларини қасддан менсимасдан, тушунтириш хати ёзишдан бош тортиб, бақир-чақир қилиб, майда безорилик содир этган. Ҳамда ИИО ходимининг ҳуқуқбузарликни тўхтатиш ҳақидаги қонуний талабини бажармаган.
Суд ҳукмига кўра, судланувчи Э.Б. МЖтКнинг 183-189 ва 194-моддаси 1-қисмида назарда тутилган маъмурий ҳуқуқбузарликни содир этган деб топилган. Унга нисбатан МЖтКнинг 183-моддаси билан 15 сутка маъмурий қамоқ жазоси ва МЖтКнинг 189-моддаси билан БҲМнинг 50 баравари (17 млн сўм) миқдорида жарима жазоси ҳамда МЖтКнинг 194-моддаси 1-қисми билан БҲМнинг 5 баравари (1,7 млн сўм) миқдорида жарима жазоси тайинланди.
