Навоийнинг дунёдаги қўлёзмалари китоб-альбом кўринишида нашр этилади
Бу ҳақида Самарқандда ўтказилаётган халқаро конгрессда маълум қилинди.
Самарқандда бўлиб ўтаётган VIII халқаро Конгресда бир қатор янги лойиҳалар тақдимоти ўтказилмоқда.
Жумладан, “Ўзбекистон маданий мероси жаҳон тўпламларида” китоб-альбомининг 81-90-жилдларининг лойиҳалари тақдимоти ҳам ўтказилди. Унда илк бор Навоий қаламига мансуб асарлар қўлёзмалари акс этилиши эълон қилинди.
Бу борада мутахассислар томонидан керакли ҳаракатлар ва хориждаги кутубхоналар ҳамда илмий марказлар билан музокаралар олиб борилмоқда. Китоб-альбомдан бутун дунё бўйлаб тарқалган қўлёзмалар ўрин олиши режалаштирилган.
Маълумот учун, Самарқандда бўлиб ўтаётган халқаро Конгрессда дунёнинг 35 мамлакатидан ташриф буюрган 300 га яқин олим иштирок этмоқда.
