Тошкентда ота фарзандларига 820 млн алимент тўлади
Эркак 16 йиллик алимент пулларини олдиндан тўлаб берган.
Ижро ҳужжати юзасидан қарздор алимент тўловларни ўз вақтида тўлаб келган Э.З. вояга етмаган уч нафар фарзандларининг таъминоти учун улар то вояга етгунига қадар бўлган алимент миқдорини олдиндан ҳисоблаб беришликни сўраб ариза билан мурожаат йўллаган.
Шунга кўра, 2024 йилдан 2040 йилига қадар бўлган давр учун алимент миқдори ҳисобланганда жами 818 млн 895 минг 193 сўм миқдорида алимент миқдори вужудга келган.
Шунингдек, Э.з алиментларни олдиндан тўлаш тўғрисидаги ижро ҳужжати бўйича судга ижро ҳужжатини ижро этиш усули ва тартибини ўзгартириш тўғрисида ариза билан мурожаат қилишлик тушунтирилган.
Суд қарздорнинг аризани қаноатлантириб, жорий йилнинг 15 август куни ажрими қабул қилинган. Суднинг мазкур ажримига асосан қарздор Э.З томонидан Н.Д. фойдасига жами 818 млн 895 минг 193 сўм эвазига 1 та уй, Spark автотранспорт воситаси ва 2 минг АҚШ доллари миқдорида алимент пуллари ундирилиб берилиши таъминланди.
