Қирғизистонликлар Россияга боришдан тийилиши айтилди
Бунга кучайтирилган рейд тадбирлари сабаб бўлган.
Қирғизистон фуқароларига Россияга боришдан вақтинчалик тийилиб туриш тавсия этилди.
“Россия ҳудудида жорий этилган қўшимча хавфсизлик чоралари ва давлат чегарасидан ўтказишнинг кучайтирилган режими давом этаётгани боис Россия Федерациясига кириш учун жўяли асосларга эга бўлмаган Қирғизистон фуқароларига кучайтирилган чоралар олиб ташланмагунга қадар у ерга боришдан тийилиб туриш тавсия этилади”, — дейилади мамлакат Ташқи ишлар вазирлиги баёнотида.
