Футзал бўйича жаҳон чемпионати мухлисларига жамоат транспорти бепул бўлади
Шунингдек, темирйўл чипталарига 50 фоиз миқдорида чегирмалар жорий этилади.
Президентнинг жорий йил 28 майдаги 195-сонли қарорига мувофиқ шу йил 14 сентябрдан 6 октябрга қадар Тошкент, Андижон ва Бухоро шаҳарларида бўлиб ўтадиган футзал бўйича ФИФА жаҳон чемпионати мухлислари учун жамоат транспорти бепул бўлади.
Трансорт вазирлигига кўра, Жаҳон чемпионати учун аккредитациядан ўтган шахслар, мундиал ўйинларига чипталари мавжуд бўлган хорижий ва маҳаллий мухлислар учун темирйўл чипталарига 50 фоиз миқдорида чегирмалар жорий этилади.
Жаҳон чемпионатига аккредитациядан ўтган ва ўйинларга чипта сотиб олган фуқаролар шаҳар жамоат транспортидан бепул фойдаланишлари мумкин. Бунинг учун аккредитация карталари ёки чипталарни тақдим этиш керак.
