Тошкентдаги кийим дўкони ишчиси калтакланди
Ҳозирда ҳолат юзасидан ўрганиш ишлари олиб борилмоқда.
Ижтимоий тармоқларда InBazar савдо марказининг Сергели филиалида ходим хатоси учун калтаклангани акс этган видео тарқалди.
Cавдо маркази раҳбари Омадтилло Холматовнинг айтишича, айни пайтда ҳолат нима сабабдан рўй бергани ҳамда ходимни калтаклаган йигитнинг шахсини аниқлашга киришилган. Вазиятни ўрганиш учун савдо марказига ички ишлар ходимлари жалб этилган.
Тошкент шаҳар ИИББ матбуот котиби Нилуфар Исахонованинг билдиришича, ҳолат бўйича мурожаат келиб тушмаган. Шундай бўлсада, видеодаги вазиятга ҳуқуқий баҳо бериш учун ҳозирда Сергели тумани Ички ишлар бўлими томонидан дастлабки ўрганиш ишлари олиб борилмоқда.
“Ўрганиш ишлари тугагач, батафсил маълумот берилади”, дейди Нилуфар Исахонова.
