Фарғонада дориларни қалбакилаштираётган цех фош бўлди
Ҳозирда ҳолат юзасидан жиноят иши қўзғатилган.
Тезкор тадбир давомида Қўқон шаҳри ва Учкўприк туманида яширин цех дорихоналарда қиймати 7 мингдан 26 минг сўмга қадар бўлган “Каспаргин”, “Пиратсетам”, “Дексамитазон”, “Аскорбин кислотаси” каби ампула шаклидаги дори воситаларини ёзуви, қадоғи, ёрлиқларини ўзгартириш ҳамда ампулаларни бўёқ билан бўяш орқали дорихоналарда қиймати 70 мингдан 200 минг сўмгача бўлган “L-Lizin Essinat”, “Тиоцетам”, “Мидокалм”, “Ретоболил”, “Дипроспан” ва “Актовеген” каби дорилар тайёрланган.
Экспертиза хулосаларига кўра, дори воситалари қалбакилаштирилганлиги ҳамда уларга мувофиқлик сертификатлари расмийлаштирилмаганлиги ва сақлаш шароитига амал қилинмаганлиги аниқланган.
Маълумот ўрнида, ушбу дориларнинг қиймати 89 млн сўмни ташкил этган бўлса-да, уларни қалбакилаштириш орқали савдога чиқарилганида 625 млн сўмга сотилиши мумкин эди.
Ҳозирда ҳолат юзасидан жиноят иши қўзғатилиб, тергов ҳаракатлари олиб борилмоқда.
