Жиззахда Камаз бутунлай ёниб кетди
Ҳолат юзасидан расмий муносабат билдирилди.
Қайд этилишича, ҳодиса бугун, 27 сентябрь куни соат 13:50 ларда Ғаллаорол тумани ҳудудидан ўтувчи М-39 “Тошкент-Термиз” автомобиль йўлида содир бўлган.
Самарқандлик ҳайдовчи Камаз русумли транспорт воситасини “Самарқанд-Тошкент” йўналиши бўйлаб бошқариб кетаётган вақтида автомашинанинг двигатель қисмида қисқа туташув юзага келиб, ёнғин чиққан.
Ҳодиса туфайли юк автомашинаси тўлиқ ёнган. Ёнғин оқибатида ҳайдовчи ва бошқа шахсларга тан жароҳати етмаган.
