Чиқиндилар билан ишлаш соҳасида янги агентлик тузилади
Бу бўйича Президент Фармони қабул қилинди.
Унга кўра, санитар тозалаш ишларини ташкил этиш республика маркази негизида тузиладиган агентлик чиқиндилар билан ишлаш масалаларида аҳоли ва санитар тозалаш корхоналари ўртасида боғловчи бўғин сифатида фаолият юритади.
Янги ташкилот чиқиндилар билан боғлиқ ишларни амалга ошириш соҳасида ягона меъёрлар ва стандартларни ишлаб чиқувчи, синовдан ўтказувчи ва амалиётга татбиқ этувчи, ушбу йўналишдаги фаолиятни мувофиқлаштирувчи ҳамда чиқиндиларни бошқариш соҳасига тааллуқли давлат мулкини бошқарувчи масъул давлат органи бўлади.
Маълумот учун, кейинги йилнинг 1 мартидан санитар тозалаш корхоналари фаолиятининг асосий самарадорлик кўрсаткичларини аниқлаш мезонлари тасдиқланади.
