Бухорода 2 нафар электрик иш вақтида ҳалок бўлди
Айни пайтда бахтсиз ҳодиса сабаблари ўрганилмоқда.
2 октябрь куни Бухоро электр тармоқлари корхонасининг икки нафар мутахассиси иш жараёнида ҳалок бўлди. Улар махсус техникасиз автокранда юқори кучланишли симёғочга кўтарилган.
Краннинг арқони узилиб кетиши натижасида улар 30 метр баландликдан қулаб тушган.
Расмий хабарга кўра, “Қоракўл” подстанциясида 2 нафар ходимнинг ўлими билан якунланган бахтсиз ҳодиса тўғрисида шу куннинг ўзида тегишли органларга хабар берилган. Айни пайтда бахтсиз ходиса сабаблари ўрганилмоқда.
Марҳумларнинг оиласига барча компенсация тўловлари амалга оширилиши таъминланади.
