Чегарада асал деб дори олиб ўтишмоқчи бўлишди
Ҳозирда ҳолат юзасидан дастлабки суриштирув ўтказилмоқда.
Тошкент вилоятида якка тартибда тадбиркорнинг номига олиб келинган товарлар юкланган юк автотранспорт воситаси белгиланган тартибда божхона кўригидан ўтказилган.
Ҳужжатлар асосида “Табиий асал” номли товар холислар иштирокида божхона кўригидан ўтказилганида божхона назоратига тақдим қилинмаган, юк кузатув ҳужжатларида кўрсатилмаган, 3 турдаги 17 735 дона “Бипин-Т”, “Бисанар” ҳамда “Оксибактоцид” номли дори воситалари борлиги аниқланди.
Ҳозирда ҳолат юзасидан дастлабки суриштирув ҳаракатлари давом этмоқда.
Эслатиб ўтамиз, жисмоний ва юридик шахслар амалдаги тартибларга мувофиқ Ўзбекистон Республикаси божхона чегарасини кесиб ўтишда ўзлари билан олиб кетаётган товар вa моддий бойликларни белгиланган меъёрлар асосида ишончли вa тўғри декларацияланиши учун қонун ҳужжатларга мувофиқ жавобгар бўлади.
