Қашқадарёдаги “заправка”да ёнғин чиқди
Ҳолат юзасидан расмий муносабат билдирилди.
Бугун, 7 октябрь куни соат 15:45 да Қарши туманида жойлашган автомобилларга суюлтирилган газ қуйиш шахобчасида автомобилга газ қуйиш вақтида газ-ҳаво аралашмасининг чақнаши содир бўлган. Чақнаш натижасида ёнғин юзага келган.
Шунга кўра, 4 та ёнғин-қутқарув экипажи соат 15:56 да ҳодиса жойига етиб бориб, ёнғин соат 16:00 да ўраб олинган ва соат 16:45 да ўчирилган.
Ёнғин натижасида шахобча биносининг 22 квадрат метр майдонида том қисми ёниб зарарланган. Ёнғин натижасида тан жароҳати олган ва вафот этганлар йўқ.
Ҳозирда ёнғин сабаби ва моддий зарар миқдори аниқланмоқда.
