Бухородаги туғуруқхонада жанжал чиқди
Шифокорлар беморнинг эридан пул талаб қилгани айтилмоқда.
Ижтимоий тармоқда Бухоро вилояти Шофиркон туманидаги туғуруқхонада эркак аёли шифохонадан чиқиши учун пул талаб қилинганини айтиб, жанжал чиқаргани акс этган видео тарқалмоқда.
Ҳолат юзасидан туман тиббиёт бирлашмаси расмий муносабат билдирди.
Қайд этилишича, Шофиркон тумани Калон қишлоғида истиқомат қилувчи М.Исломова жорий йилнинг 6 октябрь куни соат 4-фарзандини дунёга келтирган. Боланинг вазни 4,5 кг, чақалоқ эмлаш олганлиги муносабати билан неонатолог–педиатр хулосасига кўра яна туғруқхонада 1-2 кун тиббий назоратда бўлиши тушунтирилган.
Аммо унинг турмуш ўртоғи бу ҳолатдан норози бўлиб, туғрукхонада жанжал кўтариб, ойна ва эшик-деразаларни синдириб ташлаган. Зудлик билан ички ишлар ходимлари чақирилган.
Айни дамда Шофиркон туман ИИБ ходимлари томонидан дастлабки суриштирув ишлари олиб борилмоқда.
