Дам олиш кунлари Ўзбекистонда ҳаво салқинлашади

Ўзгидромет хабарига кўра, 25 октябрда куннинг иккинчи ярмида Бухоро, Навоий, Қашқадарё, Сурхондарё вилоятларида ва кечга томон Тошкент, Самарқанд, Жиззах, Сирдарё вилоятларида ёмғир ёғади. Қолган ҳудудларда ёғингарчилик кутилмайди.

 

26 октябрда Ўзбекистон бўйича кечаси ва эрталаб баъзи жойларда ёмғир ёғади. Кундузи ёғингарчилик кутилмайди. Шимолий ҳудудлар бўйича куннинг иккинчи ярмида баъзи жойларда ёмғир ёғади. 

 

27 октябрда ёғингарчилик кутилмайди, фақат Қорақалпоғистон Республикаси, Хоразм вилоятида баъзи жойларда ёмғир ёғади.

 

Ҳаво ҳарорати кундузи 25 октябрда 18-23 даража илиқ, 26 октябрда 13-15 даража илиқ, 27 октябрда 17-19 даража илиқ атрофида бўлади.

 

Шамол шарқдан 7-12 м/с тезликда эсади, баъзи жойларда 13-18 м/с гача кучайиши, айрим жойларда чанг-тўзонлар билан кузатилиши мумкин.

 

Республиканинг тоғ олди ва тоғли ҳудудларида вақти-вақти билан ёмғир ёғади, айрим жойларда ёмғир кучли ёғиши мумкин, баланд тоғли ҳудудларда қорга айланади.

 

Пойтахтда бугун ёғингарчилик кутилмайди, фақат кечқурун ёмғир ёғади. 26 октябрда кечаси ва эрталаб ёмғир ёғади, кундузи ёғингарчилик кутилмайди. 27 октябрда ёғингарчилик кутилмайди. Шамол шарқдан 3-8 м/с тезликда эсади. Ҳарорат асосан кечалари 7-10 даража илиқ, кундуз кунлари 25 октябрда 21-23 даража илиқ, 26 октябрда 12-14 дарада илиқ, 27 октябрда 17-19 даража илиқ бўлади.