Олий маълумотли мигрантлар сони очиқланди
Бу борада Ҳиндистон етакчилик қилмоқда.
Чет элдаги яхшироқ имкониятлар юзасидан баъзилар ўз мамлакатини тарк этишни афзал кўрмоқда. Иқтисодий ҳамкорлик ва ривожланиш ташкилоти маълумотларига кўра, 2015/2016 йилда ташкилотга аъзо мамлакатларда 40 миллионга яқин олий маълумотли мигрантлар яшаган.
Рақамлардан кўриниб турибдики, Хитой ва Ҳиндистон энг кўп ўқимишли мигрантларини чет элга жўнатган давлатлар ҳисобланади. Бироқ, улардаги аҳоли сони билан солиштирганда, бу рақамлар нисбатан паст. Филиппин, Полша, мексика ва Россиянинг кўрсаткичлари эса улар жуда кўп ўқимишли аҳолисини йўқотаётганини кўрсатади.
Филиппин дунёни соғлиқни сақлаш мутахассислари билан таъминлаши ҳаммага маълум. 2015-16 йил ҳолатига кўра, юқори малакали филиппинликларнинг 14,3 фоизи бошқа мамлакатларга кетган. Бу кўрсаткич ривожланаётган иқтисодиётларда янада юқори. Кариб ҳавзасидаги Гаяна давлатида олий маълумотлиларнинг деярли 71 фоизи мамлакатдан чиқиб кетган, Тринидад ва Тобагода бу кўрсаткич 66 фоиз бўлса, Маврикийда 63 фоизни ташкил этади.
