Исландия расман тўрт кунлик иш ҳафтасига ўтмоқда
Маълум бўлишича, ўтказилган тажриба кутилганидан кўпроқ натижа берган.
2020-2021 йилларда мамлакатнинг 51 фоиз аҳолиси иш ҳақи ўзгартирилмасдан тўрт кунлик иш тартибига ўтказилди. Натижада иқтисодиётда ўсиш кузатилиб, ишсизлик даражаси Европадаги энг қуйи поғоналаргача тушди.
Экспертларга кўра, тўрт кунлик иш ҳафтасига ўтилганидан сўнг меҳнат самарадорлиги олдингидай қолган, ҳатто аксарият йўналишларда яхшиланган. Ишчи-ходимлар турмуши ижобий томонга ўзгарди: стресс ва ишдан безиш ўрнини соғлом ҳаёт, иш ва шахсий турмуш ўртасидаги мувозанат эгалламоқда.
Тажриба кутилганидан кўпроқ натижа бергач, Исландия тўлиқ тўрт кунлик иш ҳафтасига ўтишга қарор қилди.
