Қашқадарёда таксист мижозга шилқимлик қилди
У қизнинг телефонини олиб қўйган ва жинсий тажовуз қилган.
Қашқадарё вилоятида таксист йўловчи қизга жинсий тажовуз қилди. Бу ҳақида “Nemolchi” лойиҳаси хабар берди.
Қайд этилишича, жорий йилнинг 26 октябрь куни вояга етмаган қиз дугонаси билан сайр қилиб, таксида уйига қайтмоқчи бўлган. Йўл-йўлакай такси ҳайдовчиси қизга турли шахсий саволлар беришни бошлаган, кейин белгиланган маршрутни ўчириб қўйган. Таксист қизнинг “қаерга кетяпмиз” деган саволига жавобан у уни сайр қилдиришга қарор қилганини айтган. У қизни шаҳар ташқарисига олиб чиқиб, машинани тўхтатган, қизнинг телефонини олиб қўйган ва жинсий тажовуз қилган.
Жабрланувчи воқеа ҳақида зудлик билан ҳуқуқ-тартибот идораларига хабар бериб, эркакнинг автомобиль рақамини маълум қилган.
