Фарғонада вагон устида селфи қилмоқчи бўлган йигитни ток урди
Боланинг ҳозирги аҳволи ҳақида маълумот берилди.
Жорий йилнинг 28 октябрь куни Фарғона вилояти Бағдод туманида 7 синф ўқувчисини юқори кучланишли электр токи уриб юборди.
Йигит Бағдод туманида жойлашган 61-сонли умумтаълим мактабининг 7 синфида таҳсил олган. У белгиланмаган жойдан ўтиб, вагон устига расмга тушиш учун чиққан.
“Боланинг аҳволи жуда оғир эди. Кўрсатилган ёрдамлардан сўнг, зудлик билан жонлантириш бўлимига олиб чиқилди. Тананинг юз, бўйин кўкрак, қорин, қўл ва сон соҳаларининг 50 фоиз атрофида электр токидан куйиши, бош мия ёпиқ шикасти, бош мия чайқалиши ташхиси қўйилди. Ҳозирда беморнинг ҳолати динамикада яхшиланиб бормоқда”,- дейди шифокор.
